Sonerezh ha Speredouriezh

Paotr o c'hoari an trompilh

Sonerezh ha Speredouriezh: Atersadenn gant Ery Lopes

En e levr “Ar sonerezh hervez ar Speredouriezh”, ar paraiban Ery Lopes a zispleg an dalvoudegezh eus ar pezh a zo ar c’hentañ eus an arzoù hag a zifenn ar c’hinnig eus ur c’houlzad kreñv evit ar sonerezh sperederel. Kaner, sonaozour ha paotr e vinvioù desket drezañ e-unan, ne ro ket dezhañ e-unan kaner spereder met speredour hag a gan – se zo ar pezh a rankfe ober tout an dud, emezañ. A-youl-vat e Porta Luz Espírita ha Núcleo Espírita A caminho da Luz, diouzh reter São Paulo, en deus Ery Lopes gweladennet meur a greizenn sperederel eus ar gêr-benn, São Paulo ha kêrioù all, asambles gant e mignon ha soner João Lucius, en ur gas e Aviel Sonerezh o tiskouez an dezenn gantañ ez eo an emsav sperederel c’hoazh dibarfet-tre evit ar pezh a sell ouzh an danvez sonerezh ha, pa rayo an doare sperederel gwrizioù, e roio lañs d’an dispac’h sonerezh brasañ eus an holl amzerioù.

Petra eo al liamm etre ar sonerezh hag ar speredouriezh ?

Kregiñ a ra e mammenn pep tra: Doue. Krouet e oa bet ar sonerezh gant ar C’hrouer e penn-kentañ e oberenn, anvet dre reol big bang, da lâret eo an tarzherezh bras. Pep tarzhadenn a zo gant luc’h, tommder ha son. Bombezenn …! Pa en deus ar son kentañ brevet an didrouz en deus krouet ar c’hentañ notenn sonerezh eus ar ganaouenn gaer-se anvet Kosmoz. Ur siñfonienn dispan eo dalc’h an oberenn-se, sonaozet gant daskrenadennoù karantez ar Boud Meur hag an holl Speredoù. Evel skol denel an emdroadur e ped ar speredouriezh pep hini da dapout an diplom e kentel ar sonerezh ha da ober implij mat eus ar c’hras-mañ.

An holl Speredoù emdroet a zo sonerien neuze ?

Sonerien omp-ni-holl muioc’h-mui, met e rankomp ivez emdreiñ e diskiblezh ar sonerezh evit bezañ ur spered emdroet. War al leurennoù uhel, e-lec’h mù’emañ welus ha re wir an daskrenadennoù, ne gomz ket ar speredoù: ober a reont sonerezh. Evel ma’z eo mat, just ha brav tout ar pezh a ziaezh eus ar sonerezh e brev pep soñj an eter evel ur ganaouenn, peogwir ez eo tout heson. Daskrenadennoù a garantez int, asambles gant gras Doue hag a vir d’an hollved. Hep ar sonerezh neñvel-se ne vefe ket buhez.

Ma rankfemp an holl perzhegañ war ar sonerezh, penaos e rankfemp hen ober ?

O kregiñ gant an dibab eus ar pezh e rankfemp selaou, peogwir e vrud ar selaouerien sonerezh termenet. Neuze e c’hellfer lavarout: Lâr me peseurt kanaouenn e selaouez ha e lavarin dit piv out. Evel selaouerien e kemeromp perzh er memes daskrenadennoù o toniañ en un doare positivel pe negativel ouzh ar pezh a skign hini pe hini kanaouenn. En ur selaou dre youl e antreoc’h e patrom-daskrenañ ar c’hannadur kaset gant ar ganaouenn.

Daoust hag-eñ e c’hellomp gwiriañ ur seurt liamm etre ar sonerezh hag ar sorc’henn en darvoud-se ?

Pep pezh-arz a zo karget gant ur c’hannadur, pe ur bedenn, pe ur gourzhbonn, pe un ideologiezh pe ur c’halvadenn genwerzhel. Ar sonerezh karget gant ur c’hannadur negativel a zedenn ar goust eus an hini hag a zo er memes live a zibarfed hag a c’hall neuze levezoniñ ac’hanomp war ar feulster, an dispeoc’h efedus, an dalc’hoù, ar c’hemmeskailhez, pe war ar soc’henn. Peotramant ez atiz ar sonerezh mat karantez, pasianted, esper, feiz ha karitez peogwir e ped da chomadur ar Speredoù uhelañ, techet d’ar sonerezh mat.

Petra zo eus ar sonerezh sperederel. Daoust hag-eñ eo ar memes tra evel tout sonerezh speredel ?

N’eo ket tre. Ouzhpenn ar sonerezh ent relijiel hon eus gwelet amañ hag ahont gwir perlezennoù-sonerezh gant ur c’hannadur speredel, memes gant arzourien ha strollad a zoareoù peurzisheñvel: strolladoù rock, forrozeiro, carnavalesco ha muioc’h c’hoazh hag a gomz eus traoù speredel … Hordennoù a atiz emdroel int, neketa ?
Atav speredel eo ar sonerezh sperederel met e talc’h perzhioù dibar d’ar speredouriezh, meizadoù ha n’int ket komprenet ha degemeret gant doktrinoù all. Rak-se ez eo pouezus islinañ an doare sperederel, evit ma kas e sonerezh ar c’hannadur war zanvezioù evel an adenkorfadur, an trevadennoù speredel, an trospered, al lezenn a abeg hag efed hag evit ma ro pour d’an doktrin kardekel, o lakaat da verviñ an emsav hag an dud speredel gant Allan Kardec, Bezerra de Menezes ha Chico Xavier, pas evit gwenvidikaat, met evit doujañs, eñvor ha grad vat evit ar pezh o deus graet deomp.

Petra eo pouez ar sonerezh sperederel ?

N’eus harz ebet. N’eus ket hogos a sonerezh sperederel hiziv pe d’an nebeutañ abaf-kenañ ha rannvroelaet. An deiz ma tesko an emsav sperederel implijout ar sonerezh sperederel e vo ar speredouriezh ar brederouriezh bennañ. Deskiñ a ra al lennegezh sperederel a-nevez deomp o deus gallet nerzhioù sañset an deñvalijenn impliout ez-ampart sonerezh ar bed evit teogiñ an dud, en ur dagellañ anezho e techoù ar c’horf, peurgetket ar re yaouank. Hag e sellomp se koulz-all. Evel dour c’hwek war ur maen kalet hag a sko kement a doullañ e rank ar sonerezh sperederel intrañ ar c’halonoù roc’husañ e-lec’h ma ne stek ket alies ar ger boutin. Goleet gant ar santadur e produ an energiezh-son, e ro ar plas freskoni d’ur c’hannadur doktrinal subliminel aezetoc’h.

Penaos lakaat ar sonerezh sperederel war-wel ?

Da gentañ ez eo ret da zispartiañ ar sonerezh eus ar soner: komz a reomp da geñver lakaat war-wel ar sonerezh sperederel ha pas ar soner. “Mediomegezh gant Jezuz” ha “Sonerezh sperederel gant Jezuz”: oberenn a garitez hep gounidigezh ispisial. Me ‘gav din e c’hell ar soner a-vicher ober e red-micher disparti ha bevañ eus e vicher mat-tre met pa ginnig sonerezh sperederel e ra anezhañ a-youl. Evidon-me ne rankfe ket kaout kaner sperederel, dre ster kenwerzhel; ar pezh a rank kaout a zo sonerien sperederel a laka war-wel, selaou, gan, sonaoz ha c’hoari sonerezh sperederel. An ti sperederel a c’hall seveniñ labourioù a zeskadurezh ar sonerezh, oc’h atizañ e-mod-se muioc’h a re yaouank, en ur lakaat war-wel nozvezhioù, gouelioù hag ivez abadennoù reoliek a bareañ dre ar muzik. Ar radioioù, al lec’hiennoù Internet hag ar c’hanolioù a gehentiñ all a c’hall kalz kenlabourat war an tu-se. Ar sonerezh disakr a vrud just a-walc’h abalamour d’hon gwanderioù en ur na ginnig ket un dibab gwellañ.

Ne riskl ket ar sonerien sperederel da soliñ en ourgouilh hag en emc’hloar gant al labour-se ?

Anat eo ar riskl a-dra-sur met eo evit an holl ur brouenn galoneg a uvelded, ur gentel zreistordinal evit ho kresk speredel. Ar memes riskl eo muioc’h-mui evit ar vediomed hag ar brezegennerien. Met, abalamour da zarev an dañjer, ne zeu ket ma rankfemp dilezel al lodenn. An hini a ginnig da servijout ar speredelezh dre ar sonerezh a oar ez eo e penn eus ur gefridi bouezus hag e prou er memes koulz e tenn dilerc’hoù grevus warnezhañ ma sav c’hwitadenn ha garedon prizius ma oar diorren ar garitez.

Penaos e rit da na gouezhañ evit en arnod-se ?

Desket en deus va zad din ur stignad efedus-mat. Lâret en deus din: “Ar meuleudi a laka ac’hanout war ul live e tiskenner hep ober droug da zen ebet. Pa ro unan bennak meuleudi dit, gra un engouestl ganit: unan bennak all eo ha na c’hellez ket reiñ kerse james dezhañ.

Ober a rit c’hwi ha João Lucius un oberenn a brezegenn sonerezh sperederel. Komzit deomp d’al labour-se.

Da gentañ ez eo João Lucius ur mignon din. Ouzhpenn-se ez eo ur c’haner ha sonaozour dispar. Ober a reomp ul labour sonerezh evit ur blijadur bersonel, evit karantez ar sonerezh, evit hon grad vat d’an doktrin sperederel, evit tout ar pezh e resevomp eus sklêrijenn ha frealzder ar brederouriezh-se ha peogwir e prederomp ar sonerezh evel ar pont berrañ hag a liamm ac’hanomp gant ar speredelezh. Prezegennet hon eus divizioù sonerezh e tiez sperederel disheñvel hag a zegemer nebeut-ha-nebeut an hent doktrinal-se. Kontantamant an dud hag ar santadur hon eus kenlabouret un tammig gant an devoud sperederel eo al lañs e tennomp eus se.

Ha petra eo degemer al labour-se ?

Nag en deus Jezuz plijet d’an holl met, dre vras, ez eo mat-tre an degemer, gant ar selaouerien hag ar renerien. E penn kentañ, pa’z aomp en ur greizenn evit ar wezh kentañ, ez eus ur seurt disfiziañs a-zivout ar pezh a vez komzet ganeoc’h, ar c’hanaouennoù e kanimp ha, me ‘gav din, e tiskouez un intampi positivel ivez. Goude-holl e c’hell hag e rank ar renerien diwall da warezañ an doktrin. Ma vez prestet al leurenn-gomz deoc’h e rankit en em ober diouzh rejimant an ti. Gouzout a reomp ivez, ouzhpenn ar skoazellerien welus, e heuilh ha ra ar speredoù o mad eus ar sonerezh ivez.

Petra eo lodenn ar speredelezh en ho labour ?
D’an nebeutañ evit poent ez omp João Lucius ha me gwir yenerezed da geñver ar vediomegezh. Met eo hor sonaozennoù sur-a-walc’h frouezhoù a awen. Ul liamm hon eus gant mignoned Colônia Recanto de Irmãos e-lec’h ma’z eus ur sal arzel eus ar vegenn hag, evit se, on sur ez eus kengred eus o ferzh ganeoc’h. Ouzhpenn-se, dre vras, he deus labouret start ar speredelezh evit skignañ ar sonerezh hag an arz dre vras evit mad ar skignañ sperederel. Hor skodenn eo ez eo pell war he lerc’h. Jezuz hag e ziagentourien o deus labouret diehan evit kas ar speredelañ d’an holl bobloù ha dre zoareoù disheñvel. En ur gavout tud gant emnac’h ha dedennet end-eeun ne jaojont ket ar strivoù evit reiñ ar skoazellioù ret.

Daoust hag-eñ e tibrado ar sonerezh sperederel ?

Dale bras’zo warnomp met ez eo an araokaat lezenn Doue ha forset d’arruiñ eo e prado ar sonerezh sperederel. Eürusamant hon eus stadet dija ur zigoridigezh vrasoc’h e tiez sperederel (peogwir e rankomp ober hon dleadoù) hag ez eus ur bataihon a sonerien sperederel, un niver bras a yaouankizoù en o zouez, o tiorren ar sonerezh doktrinal-se. Rakskrid “an Aviel hervez ar Speredouriezh” a zo ur sin en araok eus an oadvezh nevez-mañ; en e barzh e lâr Spered ar wirionez e tasson mouezhioù bras an Neñv gant sonioù a drompilh o pediñ an holl evit ar sonadeg doueel-mañ, da dremen, en ur vouezh, eus ur penn d’egile en Hollved.

Kit d’ar blog-mañ Luz Espírita
evit lenn an atersadenn a orin e potugaleg

Diviz diwar-benn an eutanaziezh

Goulenn: Peseurt emzalc’h e ranker kaout e-keñver an eutanaziezh ? Daoust hag-eñ eo ar spered staget c’hoazh ouzh ar c’horf danvezel m’emañ an hini-mañ o vezañ touellet gant binvioù ?

Emmanuel: Dic’houzvez war ar gwirvoud bras da geñver divarvelezh ar spered eo an dud a vicher hag atabeion ar glañvourion, hag a bleg d’an ober eutanaziezh, intret gant menozioù danvezel. Ar marv a-fetepañs a zo klevet evel fin an holl boanioù, met eo ur fazi bras. Sevel eus doare diaes, evel ar c’hleñved, ne ziskoulm ket an abegoù don hag hen produ peogwir emañ ar re-mañ en hon emskiant.

Da gentañ eo ret kaout fiziañs er Ragevezh Doueel peogwir eo seurt doareoù kentelioù prizius e doareoù-puraat ar spered.

Ar mareoù diaes a vo heuliet, diwezatoc’h, gant mareoù eürus. Rankout e vefe ivez derc’hel soñj ez a war-raok ar skiant mezegel bemdez hag e resev kleñvedoù prederioù reizh hiziv, gwechall dibare; ouzhpenn-se e tervaer e meur a zoare dija darvoudoù a bare e klañvourion disouezhet gant mezeien.

Da geñver ar goulenn all e respontomp ya, hag e teu da benn an ardivinkoù d’ober en ur mod ma chom ar spered staget ouzh e gorf dre liammoù an trospered. Se a zo peogwir e teuont da benn da drec’hiñ, betek ur poent bennak, war digolloù ha dishesonerezhioù e berenn vuhezek ar benvegad lakaet da sevel gant ar c’hleñved.

Tennet eus al levr Plantão de Respostas – Pinga Fogo (2015)

Ster kuzhet a-dreñv ar c’hevellelezh

daou vreur gevell o c'hoari war al letonenn
daou vreur gevell

Pebezh souezhenn evit an dud hag a zo kelaouet emaint o tougen meur a vugale.

Goulennoù speredel a sav war un dro gant goulennoù danvezel. 

E-pad an dougen ez eus ul liamm tredanwarellek hag a zo krouet etre ar vugale c’hevell. Al liamm diwelus-se a greñva hag a bad goude ar c’hanedigezh hag a-hed ar vuhez. 

Daoust ma’z eus ur beurheñvelded c’henetek, ne dalv ket o deus ar boudoù ar memes plegoù. Unan a c’hellfe bezañ dedennet gant ar mekanik hag an hini all sot gant an arzoù.

A-benn ar fin, n’eo ket un degouezh ma vez enkorfet an daou ene asambles. Heñvelidigezh an techoù pe ar c’has kenetrezo a orin eus o buhezioù kent.

Dre astenn ar gaoz:

  • Levr ar Speredoù, reolennet gant Allan Kardec : Goulennoù 211-213

An ene skourret etre buhez ha marv

Goulenn: Petra a c’hoarvez gant ar speredoù enkorfet hag a zo e stad struzhek (koma) o c’horfoù e-pad mizvezhioù, ha zoken betek bloavezhioù ?

Respont: “O stad a vo diouzh o flegenn-spered. Plegennoù a zo e-lec’h ma chom ar spered evel prizoniad ouzh ar c’horf ha ne zistag ket dioutañ betek ma vo permetet reseviñ harp ar vadoberourien speredel. Tud int staget-meurbet ar peurvuiañ ouzh ar vuhez danvezel ha n’en em stumm ket diouzh ar blegenn.

E plegennoù all o deus ar speredoù ur frankiz keñverel dre hanterouriezh an trospered, daoust ma talc’hont ul liamm gant ar c’horf danvezel. En ur bern a droioù e taolenn tud dihunet diouzh ar c’homa an dremmvroioù hag an darempredoù gant boudoù hag a oa deut aroazo en treizh davet ar vuhez speredel. Boutin eo e krogont da sell ouzh ar vuhez gant lagadoù nevez goude an aprouv-se, en ur ziskuiliañ o zalvoudegezhioù diabarzh.

E pep plegenn ec’h astenn al Leurenn Speredel o strivoù en taol-esae a harpañ. Evel-henn pouez ar bedenn, ar c’hempouez, ar gomz garantezus ha breudeurel, treuzkas ar peoc’h, ar c’haozeadennoù kentelius evit ma vo ar gwellañ stuzioù evit labour ar mad hag a sko, er mareoù-se, koulz war an hini glañv ha war ar re enkorfet (kerent ha mezeien)”.

(Eus an abadenn Pinga Fogo gant Chico Xavier – 1971)

Erbedoù e-keñver al loened

ar panda ruz, spesad en arvar
Ar panda ruz, spesad en arvar

Mirout da handeiñ ha prizoniañ, gwallgas pe lazhañ loened doñv pe gouez, laboused ha pesked, gant palioù diverrus pa vez foetet ar vro da dennañ ar vad eus ar maezioù, lennoù ha richerioù, pe pa’z aer da wall gevezadegoù sport gwadeg.
Dudiamantoù’zo hag a zo torfedoù gwir dic’hizet.

Bezañ mestr war hol luskadennoù a wareziñ ha karentegezh e darempred gant al loened hag en em gouestlomp istim dezho, evit na gouezhañ e reñverioù sorc’hennus, war zigarez e garomp anezho.
Kement entan a zall an ene.

Mirout a gement tiranterezh e-keñver ar vuhez-loen, na ober gant mac’homoù dizereat evit ar c’hontantamant a stultennoù-boued na gant argerzhoù tamallus en enklaskoù-arnodva, en ur en em gontantiñ nemetken eus ezhommoù naturel ar vuhez hag eus doareoù ret reizh ar vad.
An implij a gentel, an drougimplig a zistruj.

Skoilhañ ouzh labour reñverek al loened hep reiñ dezho muioc’h a skoazell a-bezh.
An anaoudegezh-vat a ziskouez ar justis.

Implijout an danvezioù yac’haat posubl pa sikourer al loened klañv, hep disprizañ ar re a natur mediomedel hag a dalvez d’o-unan.
Sklêrijenn ar vad a rankfe enaouiñ an holl dachennoù ar vuhez.

Sikour, kement ha gellout, emsavioù hag kevredigezhioù gwareziñ al loened dre oberoù a vadelezh gristen ha komprenezon denel.
Ar boudoù a ward adreñv oc’h emdroiñ a ya davedomp en ur stad ret dirak al lezenn.

“Ra vo graet kement a rit gant karantez.” 1 Korintiz 16:14

Tennet eus “Emzalc’h sperederel” gant Waldo Vieira hag ar spered Andrev Luiz