An ene skourret etre buhez ha marv

Goulenn: Petra a c’hoarvez gant ar speredoù enkorfet hag a zo e stad struzhek (koma) o c’horfoù e-pad mizvezhioù, ha zoken betek bloavezhioù ?

Respont: “O stad a vo diouzh o flegenn-spered. Plegennoù a zo e-lec’h ma chom ar spered evel prizoniad ouzh ar c’horf ha ne zistag ket dioutañ betek ma vo permetet reseviñ harp ar vadoberourien speredel. Tud int staget-meurbet ar peurvuiañ ouzh ar vuhez danvezel ha n’en em stumm ket diouzh ar blegenn.

E plegennoù all o deus ar speredoù ur frankiz keñverel dre hanterouriezh an trospered, daoust ma talc’hont ul liamm gant ar c’horf danvezel. En ur bern a droioù e taolenn tud dihunet diouzh ar c’homa an dremmvroioù hag an darempredoù gant boudoù hag a oa deut aroazo en treizh davet ar vuhez speredel. Boutin eo e krogont da sell ouzh ar vuhez gant lagadoù nevez goude an aprouv-se, en ur ziskuiliañ o zalvoudegezhioù diabarzh.

E pep plegenn ec’h astenn al Leurenn Speredel o strivoù en taol-esae a harpañ. Evel-henn pouez ar bedenn, ar c’hempouez, ar gomz garantezus ha breudeurel, treuzkas ar peoc’h, ar c’haozeadennoù kentelius evit ma vo ar gwellañ stuzioù evit labour ar mad hag a sko, er mareoù-se, koulz war an hini glañv ha war ar re enkorfet (kerent ha mezeien)”.

(Eus an abadenn Pinga Fogo gant Chico Xavier – 1971)

Erbedoù e-keñver al loened

ar panda ruz, spesad en arvar
Ar panda ruz, spesad en arvar

Mirout da handeiñ ha prizoniañ, gwallgas pe lazhañ loened doñv pe gouez, laboused ha pesked, gant palioù diverrus pa vez foetet ar vro da dennañ ar vad eus ar maezioù, lennoù ha richerioù, pe pa’z aer da wall gevezadegoù sport gwadeg.
Dudiamantoù’zo hag a zo torfedoù gwir dic’hizet.

Bezañ mestr war hol luskadennoù a wareziñ ha karentegezh e darempred gant al loened hag en em gouestlomp istim dezho, evit na gouezhañ e reñverioù sorc’hennus, war zigarez e garomp anezho.
Kement entan a zall an ene.

Mirout a gement tiranterezh e-keñver ar vuhez-loen, na ober gant mac’homoù dizereat evit ar c’hontantamant a stultennoù-boued na gant argerzhoù tamallus en enklaskoù-arnodva, en ur en em gontantiñ nemetken eus ezhommoù naturel ar vuhez hag eus doareoù ret reizh ar vad.
An implij a gentel, an drougimplig a zistruj.

Skoilhañ ouzh labour reñverek al loened hep reiñ dezho muioc’h a skoazell a-bezh.
An anaoudegezh-vat a ziskouez ar justis.

Implijout an danvezioù yac’haat posubl pa sikourer al loened klañv, hep disprizañ ar re a natur mediomedel hag a dalvez d’o-unan.
Sklêrijenn ar vad a rankfe enaouiñ an holl dachennoù ar vuhez.

Sikour, kement ha gellout, emsavioù hag kevredigezhioù gwareziñ al loened dre oberoù a vadelezh gristen ha komprenezon denel.
Ar boudoù a ward adreñv oc’h emdroiñ a ya davedomp en ur stad ret dirak al lezenn.

“Ra vo graet kement a rit gant karantez.” 1 Korintiz 16:14

Tennet eus “Emzalc’h sperederel” gant Waldo Vieira hag ar spered Andrev Luiz

Ar gouennañ skoazellet: un araokadenn skiantel

Ur c'houplad heñvelreviat gant o vugale
Un tiegezh heñvelreviat

Rankout a reer degemer pe kondaoniñ goulenn sikour ar mammoù-doug evit sevel tiegezh ?

Un afer a goustiañs eo. Ar vamm-doug a ro he c’horf evit ganiñ. Brav eo an donezon-mañ. Kinnig a ra d’ar spered da vezañ adganet war an Douar. Ouzhpenn-se e vez degemeret ar spered en un tiegezh e-lec’h ma vez kavet karantez ha kempouez.

Ouzh sklêrijenn an adenkorfadur e komprener ez eo an hiliadur skoazellet ent-mezegel ur spi o welet empatiezh brasoc’h brasañ ar maouezed. A-wechoù e vez afochet ar c’hentañ taol-esae ha dipitet e vez ar vaouez hag an danvezioù da dud. Ret eo kenderc’hel an difraeoù.

Gallout a reer lakaat war-wel un draenig memestra: an empatiezh a c’hallfe bezañ digoust, da lâret eo, ne rankfe ket ar maouezed dougerezed bezañ paeet.

An esperanteg evel yezh hollvedel

ugale o kerzhout kazel-ha-kazel davet an traezh
bugale o kerzhout kazel-ha-kazel davet an traezh

Nebeut a dud a oar da betra e servij ar yezh-se.

Bez ez eus evelkent ur bern a lec’hioù hag a zo bet anvet diwar anv ijinadenner an esperanteg, Loeiz Lazar Zamenhof (1859-1917): Alez Zamenhof e Gwened, Straed Zamenhof e Naoned, Skwar Zamenhof e Roazhon…

Pal ar yezh eo krouiñ liammoù breurel etre keodederion an Douar. Aesaat a ra an esperanteg an darempredoù etre ar pobloù e-lec’h ma vez komzet meur a yezhoù. E-mod-se eo e vez kavet speredourien o kaozeal esperanteg evit en em gompren etrezo e-pad kendalc’hioù etrebroadel.

Dre astenn ar goaz:

Dav eo gouzout penaos kousket c’hwek

Ur paotr oc'h ober ur chop war e wele goude kreisteiz
Ur paotr oc’h ober ur chop war e wele

Petra a c’hoarvez pa gouskomp ?

Ur studiadenn a ziskoueze nevez’zo e vanke eurvezhioù a gousked d’an dud (diwar an enklask skignet er c’hannadig eus an Ajañs Yec’hedel Santé publique France).

Ar gousked eo ur prantad evit diskuizhañ ar c’horf danvezel. Met ne’z a ket ar spered da gousket. Beajiñ a ra ar c’horf speredel. Pelec’h ‘ta ?

Libr da fiñval emañ ar spered: tu ‘zo da weladenniñ e familh, da vont e darempred gant e nesañ kerent dienkorfet, pe c’hoazh da studiañ danvezioù asambles gant speredoù heñvel outañ.

Abalamour da se ez eus un nebeut alioù a-raok mont da gousket hag a c’hall sikour evit tremen un nozvezh vat a gousked:

  • Diwall eus e soñjoù
  • Selaou sonerezh prederiañ
  • Levraoua
  • Pediñ
  • Lazhañ ar skingomz, ar skinwel hag an hezoug

Dre astenn ar gaoz: