Kannadur Bezerra de Menezes

Kannadur Bezerra de Menezes, resevet dre vediomegezh klevedel gant Divaldo Franco e-pad klozañ ar Prezegenn, d’ar 15 a viz Meurzh 2020, e Expotrade – São Jose dos Pinhais (Paraná – Bro-Vrazil)

Ave, Krist, ar re ho kar, ho stou hag ho enor.

Ma mibien, an Nenboent hag an Enepbannwel eus hon poelladoù eo Jezus.

James n’hon eus ket bet kement a ezhomm eus ar Pastor karet-mañ ha james n’eus diskouezet ar Mabden kement a garantez hag an deizioù-mañ.

Karantez an natur, en he bommoù a bep seurt. E karantez an natur-mañ ez eus tout ar pezh a zaskren ha vev en natur : hon breudeur eus ar skeul-loened, hon enebourien, hon mignoned hag hon breudeur.

Kammed n’eus bet un askre ken brav ha noplaus eus arroudennoù Jezus abalamour ma n’en deus ket eñ lezet ac’hanomp emzividi.

Permetiñ a rae ma kouezhfe ar stered skedus eus an Neñv war an Douar, en deñvalijenn goude an Dispac’h Gall, hag a atizfe kanaouennoù a frankiz d’ar bed, dre an Amerikoù, o trailhañ hualioù an trevadennerezh hag a zo, en ur mod, gourlakaet c’hoazh ouzh ur gevridigezh reuzeudik gant ar Mabden.

E mare ebet n’eus bet lakaet Jezus da verviñ kement-se, skoilhoù outañ kement-se. Hag e tellez hon poellaterezh.

Blivaomp ha bezomp dispont.

Ar marv ne vez ket ur fin; an dieuber bras diouzh slavelezh ar c’horf eo.

Na rit ket re a wad fall diwar-benn chomadur-bed ar virus; e vare anezhañ a vo komprenet diwezhatoc’h en e abegoù, en e andonioù ha perak en deus arru warnomp bremañ, o vezañ kaoz da skamp ha poan.

C’hwi, hag a anavez Jezus, dalc’hit doujañs ouzh al lezenn, o klask diarbennoù eus ar pennadurezhioù evit ar yec’hed, met na dav ket an dorn a skoaz ouzh ar c’houzañverien, na nac’hit ket ar poz a zasprenadur d’ar re oc’h en em aozañ argadiñ an divarvelezh.

Na z’it kuit eus al lec’h emaoc’h en un taol-esae aner ha touellus da zizarbenn an tredizhañ.

Klask an ninamm diabarzh ha, dreist-holl, roit deoc’h-c’hwi boued gant ur feiz oberiant, kalonek ha flour, o karout tout an dud, o tiwall ouzh an angerzhioù a zisparti hag an arnodoù a zizunan.

Hiziv, marteze gwelloc’h evit biskoazh, en deus Jezus ezhomm eus ho taouarn, da gomz dre ho muzelloù, da santiñ gwrez ho kendruez ha trugarez ho santadurioù.

Al louzaouenn digontamm vras eo ar garantez giriek, ar garantez oberiant, ar garantez a ro ha na bled ket gant reseviñ memes un tamm mousc’hoarzh eus perzh an ennegadour.

Na soñj deoc’h ez oc’h ho-unan. Kas a ra an Neñv e gannaded evit ma vez kalz aesoc’h an eskemmoù etre ar re enkorfet hag ar re zienkorfet.

Grit diouzh ma vez lakaet kenamzer ho kwagennoù speredel gant ar meizioù hag a ren ar buhezioù, ha diwallit ouzh diskenn ho soñjoù davet pajennoù ar boan ar brasañ e-lec’h ma vez kavet an nerzhioù gwallskouerius hag a zeu poanioù ganto en abeg d’an ezhomm a emdroadur eus ar Blanedenn.

Kit, evel ma lâre Jezus d’ar pemp kant eus Galilea, ha prezegit gant ar skouer, gant ar ger sklaeriet ha gant ar skouer a emnac’h.

Ganeomp emañ nerzhioù bev an Hollved, en ur c’henskemm flour ganeoc’h.

Kit ha karit.

E anv ar speredoù sperederel, ez aspedomp an Aotroù d’hon bennigo ha d’hon derc’hel en peoc’h.

Hetoù ho servijer muiañ uvel ha tadel int.

Bezerra

XXIIvet Prezegenn Sperederel ar Stad

Dre astenn ar gaoz:

Tatouadur ha Piercing – Kredenn Sperederel

Ur paotr yaouank o kuzhat e zremm dindan e zaouarnoù en ur ziskouez tatouadurioù hag ur piercing war flip e skouarn dehoù
Ur paotr yaouank o kuzhat e zremm dindan e zaouarnoù en ur ziskouez tatouadurioù hag ur piercing war flip e skouarn dehoù

Er Speredouriezh ne vez ket barnet netra; komprenet ha sklaeraet eo pep tra. Neuze en deus graet dalc’hmat un tem disputet evel an tatouiñ danvez an tabut an tikañ e-barzh studiadennoù an doktrin. Daoust hag-eñ ez eo fall goude holl d’en em ober tatouiñ ? da lakaat meur a datouadur war ar c’horf ? Anv zo da vac’hagnadurioù pe da vommoù arzel ? Petra eo ar gweled sperederel war-se ?

Ha ‘ta, e rankomp, evit kregiñ, atav derc’hel soñj eus pazenn an neptu he deus ar speredouriezh e-keñver an dibaboù. E hini int ha en deus den ebet ar veli spered da varn. ‘Han se, welomp ar pezh a vez lâret deomp gant ar speredoù, peogwir e teu diouto anaoudegezh veur al lezennoù doueel.
Spisaat a ra Andrev Luiz n’eo ket an trospered adsked ar c’horf danvezel; ar pezh a adsked an ene eo. “N’o do ket ar goulioù war ar c’horf danvezel azlammoù war ar c’horf speredel nemet ma’z eus ur baradenn veizel eus an den e-keñver ar pezh a c’hoarveze pe ma’z eo an ober sevenet e dizemglev gant al lezennoù o ren ar vuhez.” (Emdroadur etre an daou bed, Chico Xavier ha Waldo Vieira, FEB Embannadurioù). Met petra’zo ret da gompren eus se ? Ha ‘ta, en deus an ober e-unañ, evel kazi pep tra en doktrin, grevusted pe get, talvoudegezh pe get; se ‘zo kevreizh dreist-holl d’ar menoz a-dreñv ar jestr. Alies e c’hell ar sañs hag ar menoz eus ur seurt emzalc’h kreñvaat pe digalonekaat anezhi.

Adalek an aplud-mañ e rankomp ridellat eus ar poell, evel ma roe da anavezout Allan Kardec: n’en deus ket an tatouadur pal talvoudus ebet hag ez eo neuze un ober peurgetket kenedus. Evel an oberoù kenedus e c’hell lavarout ar menoz a-dreñv an enklask-mañ ma’z eo fall pe mat an ober e-unan. Tatouiñ frazenn ur prederour pe ur frazenn sperederel a-hend-all a zo un ober gant ur menoz ez-onest, zoken ma ne servij da netra, met un ober soñjet dre eñ e-unan gant ur menoz ez-onest sañset, neuze hep menoz negativel, ne zeu ket an ober neuze da vezañ negativel eñ e-unan. An tatouadur gant klopennoù, arouezioù o punañ betek ar revelezh, rakvarnioù pe santadoù a zaskrenadennoù gwan a zo war-eeun liammet gant emzalc’hioù a dañva fall.

Kont dalc’het eus se, kendalc’homp bremañ war an tu trosperedel. E karg eo an trospered – hanterour etre ar spered hag ar c’horf danvezel – eus bommoù eus div vent ar vuhez. Ma’z en em santomp e kounnar ez eo puket hon trospered gant saotradenn ar santimant fall-se hag a zo kaoz da anken en ene ha da zigempouezioù er c’horf kreudel, hag a zo kaoz a-hend-all da gleñved danvezel. Rak-se ez eo an tatouiñ hag an toullañ ur stropad ouzh an trospered peogwir ez eus euverioù war wiskad an ezkroc’hen. Koulskoude n’eo ket don ar gouli-se ha neuze ar gudenn danvezel e-unan n’eo ket ar gudenn. Ur wech ouzhpenn e teuomp endro er rannbennad diaraok e-lec’h ma c’hell ar menoz hag ar pezh a oa bet puket reiñ grevusted an ober pe get.

“Pep korf danvezel a zellez doujañs ha prederioù, pled ha gred didroc’h, evit bezañ sez ar Spered, neved diorren ar vuhez.” (Joanna de Ângelis)

Ur barenn all da notenniñ a zo ma c’hall an tatouadur bezañ un arouez hag a verko ar spered ha, neuze, ma ‘oa ar pezh puket un arouez a dañva fall e c’hellfe ho spered bezañ merket gant an arouez-se ha sachañ ar penngef a speredoù hag a genglot gant an azonegezh-se. Ma pun ho tatouadur betek an drouksperedoù pe an tasmantoù e c’hell bezañ ho spered karnajet gant speredoù, daskrenadennoù hag a zere evit ar merk-se ganto; tout an traoù-se eveljust e kevreizh d’hon santimantoù evit grevusaat pe dousaat.

Hervez Divaldo Pereira Franco ez eo an dud o tatouiñ o c’horf a-bezh pe o goloiñ anezhañ gant piercings eneoù hag a zegas adarre dameñvoradurioù gres eus enkorfadurioù d’an ampoent barbar, pa o doa implijet brezelerien sec’hedik a waz ar binvioù-se evit kemer o c’hreñv war o eneberien. An disklêriadur-mañ ne zere ket evit an holl darvoudoù eveljust. Alies ez en em reont tatouiñ ar grennarded, hag a zo e mare stummañ ar meno, evit bezañ diouzh ar c’hiz pe evit livañ ur santimant pe ur meno. Ur stad berrbad eo met e rank bezañ muzuliet ha meizet evit na lovrañ ho trospered dre un doare dister hag a c’hellfe bezañ kaoz da vorc’hedoù a-choude.

Bez ez eus darvoudoù a sorc’hennoù hag a zo kaoz d’an dud d’en em datouiñ ar c’horf, da gemm war stummoù stlejvilek pe loenek. An darvoudoù rouez-mañ a c’hall talvout ur digempouez speredel peogwir ez int an adkrog eus anienoù ar muiañ kentidik ar bout ha talvout o loenelezh dre an neuz evit bezañ kaoz da grenioù, da hegal an dud, hag un emsavadenn speredel. Met n’eo ket tout an darvoudoù sorc’hennoù; evit gwir ez eo, evit darn vras, hor c’hoant da gas ober un dra bennak, met ivez e meur a zarvoudoù just evit ober un argerzhadur “kenedus” ha lakaat un arouez bennak da beurbadout.

Petra ‘vez lavaret eus tatouadurioù war dremm Jesus ? eus frazennoù Chico Xavier ? Fall eo ar merkoù speredel-se ? N’int ket, eveljust! Ouzhpenn-se, daoust hag-eñ e c’hellfe ur merk danvezel trec’hiñ war perzhioù-mat ar bout ? Ne rafe ket, eveljust! Se ‘zo kaoz e rankfomp kaout ar goulenn studi evel ranellder plaen ha sklaeradur; james evel poent pennañ ha, dreist-holl, james evel kalon a varnadenn. Ne verz netra ar speredouriezh; ne ra ket nemet sklaeraat ha lezel a ra da librentez pep hini ar varnadenn eus eñ e-unan. Danvez ar studiadenn-mañ n’eo ket nemet an darn pleustriñ evezhiet eus lod a zarvoudoù-tatouiñ ha mac’hagnadur danvezel.

A-dreñv ar goulennoù simplik-se emañ atav ar goulenn spered. Perak ez echu an dud d’en em verkañ, a-wechoù d’en em vac’hagnañ, d’en em zaskemmañ ? Bez e oa a-wechoù war ar prim ? dre sorc’henn evit lod anezho ? evit reoù all c’hoazh, ur stad berrbad a emdroadur liammet gant dameñvoradurioù eus enkorfadurioù mui sovaj ? Reizh eo an holl diarselloù-mañ met, e pep darvoud, ne vez ket deomp da varn, en ur zerc’hel soñj emaomp an holl en ur skol hag e taolenn hon dibaboù hon deskonioù ha tonkadurioù a emgann.

Kardec a heñch ac’hanomp davet an emanaoudegezh, an emgomprenuster evit respont d’hon ezhommoù a emdroadur ha sklaer eo ez int-i didaboù o tont eus librentez ar spered; ar c’horf a zo ur stad berrbad hag a adsked ene ar spered hag ez eus milieroù a stummoù all a vac’hagnadur an ene ha n’eo ket nemet an emskourjezerezh met ivez digempouez ar fromoù. Neuze petra eo un tatouadur o verkañ un trospered pa vez tatouet lod a dud arouezioù a emgarantez, a veñjidigezh, a gasoni, a fouge… war an trospered ?

N’eo ket an tatouadur, ar piercing pe ur barenn danvezel all hag a levezono dreist-holl emdroadur ar bout denel. Eveljust e vezo paeet an dreistmuzul gant templ ar c’horf met ne ziazez ket a emzalc’h gant an tatouadurioù met ivez gant ur bern seurt a zreistmuzulioù evel an alkoolegezh, debrerezh, butenerezh, hag all. Ar meiz eo ar pouezusañ; ar pezh a sach ar speredoù mat pe fall a zo hon daskrenadennoù o teu eus ar bout, e emzalc’hioù hag e soñjoù. Neuze, ma mignoned, grit evezh d’o soñjezonnoù da gentañ, peogwir ez eo ar c’horf parfet, sonjoù fall ennañ, bezioù gwennet gant raz, evel ma selle Jesus ouzh ar farizianed.

Nemet pa vo an den evit kompren ma’z eo pouezusoc’h ar pezh ez OMP evit ar pezh hon eus, n’o do ket ar goulennoù-se pouez spered bras hag e vint prederiadennoù skiant plaen eus an doktrin. Ma ne stag ket kaout un tatouadur outañ e oa ho tibab hag ez eo dit d’hen kompren; ar pouez a rank atav bezañ lakaet war reizhadur spered ar bout a-bezh, e wellidigezh gant vertuzioù ha nemet gant “En em anavez da-unan” e tapimp heuliañ hentoù Jesus e tachenn ar mad. Kalz a beoc’h!

Troet e brezhoneg diwar pennad-skrid eus ar blog Religar

Ar broierezh: ur bennaenn hollek

Hervez an danevell embannet e miz Mae 2019 gant Kreizenn Kontroll an Dilec’hiañ Diabarzh e vez priziet da 41,3 milion an niver a dud o vonedone ez-diabarzh e 2018.

An hin, ar brezel, hag ar baourantez a boulz familhoù da zislojañ buan a-walc’h. Lezel a reont o c’herzh war o lerc’h evit ur mare en ur esperout da zont endro. Alies ne zeuint ket endro. O deus kroget ur vuhez nevez en ur gêr all, tapet ul labour ganto ha kejet gant amezien nevez. Ma’z eo an doareoù re boanius pe dañjerus evit chom en o bro e soñj an dud da vevañ e broioù all.

N’eo ket ar red poblañs un darvoudenn nevez-flamm. Pep hini ac’hanomp a zo an disoc’h eus an unaniezh a ouennoù. Raksoñjoù a rank bezañ disavet hag e rank ar broioù pourchas da zegemer ar boblañs hag a zo o treuz an harzoù. Pouezus eo an anadenn-se evit diorren hag araokaat an dud.

Dre astenn ar gaoz:

  • Repuidi en Europa – atersadenn e portugaleg gant André Marouço (TV Mundo Maior – 14 a viz Gwengolo 2015)

Brasder an Aviel en oaled

Ober an Aviel en Oaled en deus gounidigezhioù splann. A-raok mont pelloc’h ez eo ret displegañ ar pezh a gont evit un abadenn blijus ha frouezhus.

Stankted: ur wech ar sizhun: dibab un deiz hag un eur. Sklaerañ tra eo da virout ar memes deiz hag eur bep sizhun.
Paderezh: 30 munutenn.
Perzhiadur: Familh ha gweladennerien. Ar vugale vihan a zo gweladennet da gemer perzh ivez.
Ali: Lazhit ho hezoug. Gwelloc’h eo pa n’eo ket torret ar maread-mañ gant elfennoù diavaez.

An abadenn a rank bezañ graet a-vouezh-uhel penn-da-benn.
Lankad Kentañ: Pedenn digeriñ: Gweladenniñ ar speredelezh uhelañ da ambroug an abadenn. 
Eil Lankad: Lennadenn un arroudad eus An Aviel hervez ar Speredouriezh (Allan Kardec – 1864).
Trede Lankad: Pep hini a c’hall sklaeraat ar pezh en deus komprenet ha penaos plediñ gant ar gelennadurezh er vuhez bemdeziek.
Pevare Lankad: Pedenn serriñ: Soñjal en denelezh enkiget ha dienkorfet, en ho familhoù hag hoc’h endroioù. E-pad ar mare-mañ e c’hellit diskouez ho grad vat.

An abadenn a sikour kempenn an oaled gant menozioù a neveziñ speredel. An aergelc’h a c’hlana ar gêr hag a bella diouzh frapadoù rouestl. Ur c’hentoniadur a soñjoù a zouj a zo krouet hag a gresko nebeut ha nebeut, sizhun goude sizhun.

Dre astenn ar gaoz:
– filmig e portugalek sevenet gant TV Mundial de Espiritismohttp://www.tvmundialdeespiritismo.com/programa.jsf?id=11747

Ar rouedadoù sokial hag o efedoù

An dispac’h niverel a cheñch an doare-buhez o’ch ober an eil war egile. Hiziv an deiz e vez implijet ar mediaoù sokial (Twitter, Facebook, WhatsApp, hag all) gant ur niver bras a dud.

Talvoudus eo evit degas an dud nesoc’h ha tec’hout an digenvez hag an distro. Implijout a reomp an arloadoù war hor Smartphones evit kavout ha rannañ titouroù ivez. Ur bern keloù a rankomp keweriañ ha n’eo ket atav e respont d’un enklask a reomp.

Pouezus eo lakaat harzoù pa vez implijet ar rouedadoù sokial gant ar vugale: harz a amzer, harz a zanvez peogwir ne glot ket atav an oad spered ha fromel gant an oad kronologel.

Ur yoc’h a ditouroù a lenner war ar rouedad a gas daskrenadennoù a gasoni, a zismegañs. Ret eo neuze derc’hel soñj da ziskouez kaout skiant vat ha kemer perzh e divizoù en un doare-sevel en ur evezhiañ ur lavar skrivet ha komzet hep kunujañ. 

Ouzhpenn-se e c’heller kaout kudennoù a ziwaskadenn dre implij reñverek ar rouedadoù (buanegezh, dizonidigezh). A-wechoù e vez kollet skiant ar gwirvoud hag e c’hell kaout ul levezon fall war ziorroadur an deskoni ha gorrekaat araokaat ar bugel.

Dre astenn ar gaoz: